Akuza të pabesueshme nga Spanja, humbja tronditëse e Argjentinës lidhet me marrëveshjet e Messit me Arabinë Saudite

Akuza të pabesueshme po dalin nga Spanja pas fitores tronditëse 2-1 të Arabisë Saudite kundër Argjentinës dje (e martë), pasi shtyp spanjoll pretendon se lidhjet dhe marrëveshjet e Lionel Messit i lanë rivalët arabë të triumfojnë.

Dyshimet e spanjollëve u zgjuan nga golat e sauditëve në vetëm pesë minutat e pjesës së dytë, ku më pas u ndërpre seria e pathyeshmërisë, por edhe nga fakti se argjentinasit humbën nga skuadra e dytë më e lirë në të gjithë Botërorin.

“Fitorja tronditëse na bën të pyesim jo vetëm se si Argjentina humbi nga skuadra e dytë më e lirë në Kupën e Botës (pas Katarit), por se si sauditët i dhanë fund serisë së Argjentinës prej 36 ndeshjesh të pamposhtur të Messi, një skuadër që duhet të kishte fituar Kupën e Botës. Dhe mbi të gjitha, Messi duket se është një promovues i Arabisë Saudite”, thuhet në artikullin tronditës të gazetës AS, ku thuhet gjithashtu se Messi së fundi ka nënshkruar një kontratë miliona dollarësh me qeveria e Arabisë Saudite.

“Ndoshta futbollisti më i mirë dhe më i famshëm në planet nënshkroi një kontratë për të promovuar Arabinë Saudite në maj. Kontrata flet në mënyrë specifike për investimet shtetërore në turizëm, por nuk mund të mos vërehet se Arabia Saudite dëshiron Kupën e Botës në vitin 2030”, vazhdon një pjesë tjetër e shkrimit nga AS.

Messi’s connection to Saudi Arabia will lead to questions and potential controversy following Argentina’s shocking loss to the Arab state https://t.co/Z1gFPY7nzK

— AS USA (@English_AS) November 23, 2022

Thuhet gjithashtu se Messi ka marrë para për të ruajtur imazhin e Arabisë Saudite pas vrasjes së gazetarit Jamal Khashoggi.

“Kontrata e marketingut në të cilën ai merr një shumë të pabesueshme parash për promovimin e vendit shihet si larje e imazhit të vendit, për të mbuluar shkeljet e të drejtave të njeriut, përfshirë vrasjen e gazetarit Khashoggi, shkeljet e të drejtave të grave, të drejtat e LGBT dhe të drejtat e të gjithë atyre që janë kundër njeriut të parë të shtetit, Mohammed bin Salman”, shtojnë spanjollët.

Në fund të tekstit të gazetës AS thuhet gjithashtu se sipas kontratës së nënshkruar me Arabinë Saudite, Messi mund të jetë promotori i Kupës së Botës në këtë vend dhe jo në Argjentinën e tij, e cila është gjithashtu kandidate për nikoqir.