Momente emocionuese në Kolumbi, vajza 3-vjeçare shpëtohet pas më shumë se 100 orësh nën rrënoja [video]

Një vajzë 3-vjeçare është nxjerrë e gjallë nga rrënojat më shumë se 100 orë pas tërmetit të fuqishëm që goditi Kolumbinë perëndimore më 10 gusht.

Fëmija u gjet në lagjen Tequendama, duke sfiduar të ashtuquajturën “dritare” kritike prej 72 orësh, brenda së cilës zakonisht konsiderohen më të larta gjasat për të gjetur të mbijetuar.

Momentet e shpëtimit të saj janë pritur me duartrokitje dhe brohoritje nga ekipet dhe qytetarët e pranishëm në zonë.

Sipas mediave kolumbiane, vajza është dërguar menjëherë në spital për trajtim dhe kontrolle mjekësore.

Tërmeti me magnitudë 7.4, më i forti që ka goditur Kolumbinë këtë shekull, ka lënë deri tani të paktën 294 persona të vdekur dhe afro 4 mijë të plagosur.

Operacionet e kërkim-shpëtimit po vazhdojnë në zonat e prekura, ndërsa familjet ende presin lajme për personat e zhdukur.

ëA 3-year-old girl was rescued alive after more than 100 hours under the rubble from the earthquake in Colombia. pic.twitter.com/7vIlKFjzcl

— Semper Raw ™ë (@SemperRaw) August 15, 2026