Zelensky: Ukraina ka përmbushur të gjitha kushtet për anëtarësim në BE

Presidenti i Ukrainës, Volodymyr Zelensky, ka deklaruar se vendi i tij ka përmbushur të gjitha kërkesat e nevojshme për t’u bërë pjesë e Bashkimit Evropian.

Ukraina prej kohësh po kërkon anëtarësimin në BE, duke e parë atë si një garanci për sigurinë e vendit dhe si një mundësi për mbështetje më të madhe ushtarake në luftën që po zhvillon kundër Rusisë, raporton Sky News.

Sipas Zelenskyt, po përgatiten katër “kapituj” të rinj për negociatat e anëtarësimit, ndërsa dy prej tyre tashmë kanë nisur.

“Gjithçka është bërë nga ana jonë për të siguruar një vendim pozitiv”, ka shkruar ai në platformën X.