Trumpi merr vendim që armëpushimi Izrael - Liban të zgjatet për tri javë

Presidenti amerikan, Donald Trump, ka njoftuar se armëpushimi mes Izraelit dhe Libanit është zgjatur edhe për tri javë të tjera, pas takimit të tij me të dërguarit e dy vendeve të enjten vonë.

Trumpi tha se Shtetet e Bashkuara do të punojnë me Libanin për ta ndihmuar të mbrohet nga Hezbollahu.

Armëpushimi ishte paraparë të përfundonte më 26 prill, raporton BBC.

Ai po ashtu tha se presidenti i Libanit, Joseph Aoun dhe kryeministri i Izraelit, Benjamin Netanyahu, do të vizitojnë Shtëpinë e Bardhë në javët e ardhshme, ndërsa SHBA-ja kërkon të ndërmjetësojë një marrëveshje paqeje më të qëndrueshme.