![Pas tërheqjes nga gara, Bideni mbështet Kamala Harris si kandidate të demokratëve për presidente të SHBA-së](/uploads/zeri.info/images/2024/July/21/auto_GTB7EwbWUAAhuux-780x4391721586445.jpg)
Pas tërheqjes nga gara, Bideni mbështet Kamala Harris si kandidate të demokratëve për presidente të SHBA-së
Joe Biden ka mbështetur zëvendëspresidenten e tij Kamala Harris për të zënë vendin e tij si kandidati i Partisë Demokratike për zgjedhjet presidenciale.
Në një deklaratë të shpërndarë në X, ai tha: “Sot dua të ofroj mbështetjen dhe miratimin tim të plotë që Kamala të jetë e nominuara e partisë sonë këtë vit”.
“Demokratët – është koha që të mblidhemi dhe të mundim (Donald) Trumpin. Le ta bëjmë këtë”.
Kërkesa e tij vjen pasi ai njoftoi se do t’i japë fund kandidaturës së tij për rizgjedhje, duke thënë se “është në interesin më të mirë të partisë sime dhe të vendit”.
Vendimi i tij pasoi javë të tëra presioni intensiv nga kolegët demokratë pas një debati ndaj republikanit Donald Trump në fund të qershorit.
Ai tha në deklaratën e tij se do t’i drejtohet kombit për këtë çështje javën e ardhshme.
Ndryshe, para njoftimit të tij, 37 demokratë të Capitol Hill i kishin bërë thirrje presidentit të largohej. /telegrafi
My fellow Democrats, I have decided not to accept the nomination and to focus all my energies on my duties as President for the remainder of my term. My very first decision as the party nominee in 2020 was to pick Kamala Harris as my Vice President. And it’s been the best… pic.twitter.com/x8DnvuImJV
— Joe Biden (@JoeBiden) July 21, 2024