SHBA-ja e dënon sulmin terrorist në Moskë
Bota
March 23, 2024 - 18:27
Sekretari amerikan i Shtetit, Antony Blinken e ka dënuar sulmin terrorist të 22 marsit në Moskë të Rusisë.
“Shtetet e Bashkuara dënojnë ashpër sulmin terrorist të 22 marsit në Moskë. Ne qëndrojmë në solidaritet me popullin rus në pikëllimin e humbjes së jetës pas kësaj ngjarjeje të tmerrshme”, ka shkruar Blinkeni.
Nga ky sulm kanë mbetur të vdekur 133 persona, teksa qindra të tjerë të lënduar.
Ndonëse përgjegjësinë për sulmin terrorist e ka marrë Shteti Islamik – ISIS, presidenti rus, Vladimir Putin, ka akuzuar Ukrainën.
