Berlini u kërkon gjermanëve të largohen nga Irani ose rrezikojnë arrestimin

Qeveria gjermane të enjten u bëri thirrje qytetarëve të saj të largohen nga Irani ose të rrezikojnë arrestime arbitrare dhe burgime të gjata atje, duke paralajmëruar se shtetasit e dyfishtë janë veçanërisht të rrezikuar.

Berlini ka mirëpritur sanksionet e Bashkimit Evropian ndaj Iranit, i cili ka shkaktuar një goditje të përgjakshme ndaj disa prej protestave më të mëdha në Republikën Islamike që nga revolucioni i vitit 1979, shkruan Reuters, transmeton klankosova.tv.

“Shtetasve gjermanë u kërkohet të largohen nga Irani”, thuhet në një deklaratë të Ministrisë së Jashtme gjermane.

“Për shtetasit gjermanë ekziston një rrezik konkret që të arrestohen arbitrarisht, të merren në pyetje dhe të dënohen me burgime të gjata. Mbi të gjitha, në rrezik janë shtetasit e dyfishtë që kanë shtetësi iraniane dhe gjermane”, thuhet mes tjerash në deklaratë.