Akil Gjakova e nis mbarë Grand Prix Zagrebin, fiton dy luftërat e para

Akil Gjakova ka nisur në mënyrë të shkëlqyer garën në Grand Prix të xhudos në Zagreb, duke regjistruar dy fitore në dy luftërat e para.

Xhudisti kosovar e kaloi me sukses fillimisht xhiron e parë në kategorinë deri në 73 kilogramë, ku mposhti rumunin Lucian Dumitrescu.

Fitore arriti edhe në luftën e dytë, ku ishte bindës ndaj ukrainasit Serhii Nebotov, të cilin e mposhti me një uazari dhe një yuko.

Ndeshjen e radhës Akili e zhvillon ndaj Karim Abdulaev i cili garon për Emiratet e Bashkuara Arabe.

Fitorja ndaj Abdulaev do ta kualifikonte në çerekfinale.