Vrau policin dhe plagosi një tjetër, jepet masa e sigurisë për Violand Braçellarin

Gjykata e Korçës ka lënë në burg Violand Braçellarin, i akuzuar për vrasjen e policit Enea Mekolli dhe plagosjen e efektivit tjetër Edison Adri në Lozhan të Maliqit në Shqipëri.

Raportohet se seanca për masën e sigurisë është zhvilluar brenda ambienteve të spitalit të Traumës, ku Braçellari u transportua pas ngjarjes, për shkak të tre plumbave të marrë gjatë shkëmbimit të zjarrit në operacion.

Ka qenë gjyqtari Gentjan Sallahu i Korçës ai që ka vendosur masën e sigurisë arrest me burg për Braçellarin, i cili vrau një polic e plagosi një tjetër në operacionin për kapjen e tij. /a2cnn