Ja çfarë shkruajnë mediat ndërkombëtare për dënimin e Thaçit

Ja çfarë shkruajnë mediat ndërkombëtare për dënimin e Thaçit

Aktuale November 17, 2026 - 13:35

Dënimi i ish-presidentit të Kosovës, Hashim Thaçi, me 17 muaj burgim në rastin për pengim të drejtësisë në Hagë është pasqyruar nga disa media ndërkombëtare, duke përfshirë Associated Press, gazetën gjermane Frankfurter Allgemeine Zeitung dhe agjencinë turke Anadolu.

Agjencia amerikane, Associated Press, ka raportuar për deklaratën e Thaçit se vendimi ishte politik dhe jo drejtësi.

Gazeta gjermane, Frankfurter Allgemeine Zeitung (FAZ), ka theksuar se Gjykata i ka vërtetuar disa, por jo të gjitha akuzat ndaj Thaçit. Ajo ka vënë në dukje se Prokuroria kishte kërkuar gjashtë vjet burgim, ndërsa Gjykata shqiptoi dënim prej 17 muajsh.

FAZ-i ka rikujtuar gjithashtu se ky është aktgjykimi i dytë i shkallës së parë ndaj Thaçit brenda dy muajsh, pas dënimit me 25 vjet burgim për krime lufte, më 16 shtator.

Ndërkaq, agjencia Anadolu ka raportuar për dënimet e shqiptuara ndaj të akuzuarve dhe konstatimet e Gjykatës lidhur me përpjekjet për të ndikuar në dëshmitë e dëshmitarëve në procesin për krime lufte. /Rel