Oxfordi njeh zyrtarisht shoqatën e parë shqiptare të studentëve

Përveç gëzimit të inaugurimit të Presidentes së re të Kosovës, një tjetër lajm i rëndësishëm është bërë i ditur sot nga Isa Bojaj.

Bojaj ka njoftuar se University of Oxford ka njohur dhe regjistruar zyrtarisht shoqatën e parë shqiptare të studentëve në historinë gati 1,000-vjeçare të universitetit.

Ai ka bërë të ditur se ka pasur kënaqësinë ta bashkëthemelojë dhe ta bashkëdrejtojë këtë shoqatë.

“Një moment krenarie për komunitetin shqiptar dhe një hap i rëndësishëm në përfaqësimin e tij në një prej universiteteve më të njohura në botë”, ka shkruar Bojaj. /Zëri