Nuk e votojnë Sejdiun për president, Grenelli mbështet gjashtë deputetët e LDK-së

Ish-emisari amerikan Ballkanin, Richard Grenell, ka reaguar ndaj zhvillimeve të fundit politike në Kosovë.

Ai ka mbështetur gjashtë deputetët e Lidhjes Demokratike të Kosovës (LDK), të cilët kanë deklaruar se nuk do ta votojnë kandidatin për president, Bekim Sejdiun.

Grenelli në një postim në rrjetin X ka publikuar një fotografi të gjashtë kandidatëve të LDK-së me një mbishkrim.

“Miku im Avdullah Hoti dhe kolegët e tij janë miq të mëdhenj të Amerikës”, ka shkruar ai.

Gjashtë deputetë të LDK-së, Avdullah Hoti, Hykmete Bajrami, Arben Gashi, Armend Zemaj, Kujtim Shala dhe Janina Ymeri, kanë deklaruar se nuk do ta mbështesin Bekim Sejdiun për president.

My friend @Avdullah Hoti and his colleagues are great friends of America. pic.twitter.com/jHCcIRC8VF

— Richard Grenell (@RichardGrenell) September 1, 2026