Pllana: Medreseja “Alauddin” dhe prof. Naim Tërnava dhanë kontribut të madh për UÇK-në
Në kuadër të shënimit të 50-vjetorit të Medresesë së Mesme "Alauddin", ish-ushtari i Ushtrisë Çlirimtare të Kosovës dhe drejtuesi i Arkivit të UÇK-së, Nysret Pllana, kishte vlerësuar lart rolin kombëtar e fetar të këtij institucioni dhe personelit të tij gjatë viteve të përpjekjeve për liri.
Gjatë fjalës së tij nga Radio "Kosova e Lirë", Pllana është shprehur i nderuar që adresohet nga ky amfiteatër, prej nga, siç theksoi ai, dolën edhe dëshmorë të kombit.
Ai veçoi kontributin e drejtorit të medresesë, dr. Rexhep Bojës, si dhe veprimtarit prof. Naim Tërnava.
Sipas Pllanës, kontributi i medresesë dhe personelit të saj – veçanërisht gjatë periudhës 1989–1999 – holds një peshë të madhe jo vetëm në rrafshin fetar, por edhe në atë kombëtar. Ai nërmendi se ky institucion shërbeu si vatër e dhjetëra manifestimeve kulturore e kombëtare në kohë të vështira.
"Në emër të Ushtrisë Çlirimtare të Kosovës të falënderoj medresenë e mesme 'Alauddin' dhe personelin e saj, sepse për Ushtrinë Çlirimtare të Kosovës, personeli i medresesë e sidomos prof. Naim Tërnava ka bërë shumë. Nuk dhanë vetëm përkrahje morale, por dhanë përkrahje shumë të madhe edhe materiale. Ne ju jemi mirënjohës për jetë," u shpreh Pllana.
