Lladrovci priti nënkolonelin Klinar, e falënderon për bashkëpunimin e shkëlqyer me KFOR-in

Kryetari i komunës së Drenasit, Ramiz Lladrovci, priti sot në takim, përfaqësuesin Rajonal të Selisë Qendrore Lindje të KFOR-it, nënkolonelin Danilo Klinar me bashkëpunëtorë.

Arritjet dhe sfidat e pushtetit lokal, aktualiteti politik dhe perspektiva e fuqizimit të shtetit dhe shtetësisë, ishin disa nga temat e diskutuara, ka shkruar Lladrovci.

Postimi i plotë :

Me kënaqësi, prita në takim, përfaqësuesin Rajonal të Selisë Qendrore Lindje të KFOR-it, nënkolonelin Danilo Klinar me bashkëpunëtorë.

Takimi ishte shumë i përzemërt, ashtu siç i kemi raportet me KFOR-in, të ndërtuara me mirëbesim e bashkëpunim të sinqertë dhe me interes të përbashkët.

Arritjet dhe sfidat e pushtetit lokal, aktualiteti politik dhe perspektiva e fuqizimit të shtetit dhe shtetësisë, ishin disa nga temat e diskutuara.

E falënderova nënkolonelin Klinar, duke i ofruar bashkëpunim të plotë për ruajtjen e qetësisë, sigurisë dhe interesit tonë të përbashkët, interesit qytetar dhe misionit të KFOR-it. Faleminderit, faleminderit!