Kryetari i Prishtinës: Vazhdon lirimi i banesave komunale të uzurpuara

Kryetari i Prishtinës ka njoftuar, përmes një postimi në Facebook, se Komuna po vazhdon procesin e lirimit të banesave komunale që, sipas tij, janë shfrytëzuar për vite me radhë në mënyrë të paligjshme, pa kontrata dhe pa bazë ligjore.

Në reagimin e tij, ai ka theksuar se prona publike nuk mund të uzurpohet apo të trajtohet si pronë private, duke shtuar se institucionet komunale kanë detyrim ta mbrojnë, ta rikthejnë në funksion të ligjit dhe ta menaxhojnë me përgjegjësi e transparencë.

Kryetari ka bërë të ditur se Komuna do të vazhdojë veprimet kundër uzurpimit të pronës komunale, duke theksuar se nuk do të ketë kompromis ndaj rasteve të tilla.