Përkujtohen dëshmorët, Myrte Zeneli dhe Faruk Zeneli

Ish-luftëtari i UÇK-së Lahi Brahimaj ka kujtuar me nder dhe krenari dëshmorët, Myrte dhe Faruk Zeneli.

Përmes një postimi në Facebook, Brahimaj thotë se data 21 maj ishte një datë e rëndë për UÇK-në, por edhe një pikë kthese që dëshmoi se lufta për çlirim do të barte sakrifica e humbje të mëdha, si rënia e djemve si Myrta e Faruku, transmeton Klankosova.tv.

“Me Myrten ishim bashkëfshatarë, por edhe bashkërrugëtarë që nga fillimi i rezistencës. Myrta ishte model dhe frymëzim si luftëtar, me besimin e palëkundur se një ditë UÇK-ja do të triumfonte dhe ashtu doli. Edhe pse Myrta ra heroikisht, ne sot e gëzojmë lirinë falë gjakut dhe sakrificës së djemve si ai”.

“Faruk Zeneli, si një i ri që fatin e vendit e kishte vendosur para fatit personal, e njoha që në fillim të luftës në Jabllanicë, duke u rreshtuar me djemtë dhe vajzat më të zotë të kësaj ane. Lavdi e përjetshme dëshmorëve!”, shkroi ai.