Vajza shqiptare e mbetur në kampin sirianë “Al Hol” , rikthehet në Tiranë pas 12 vitesh

Pas 12 vitesh qëndrimi në Siri, Eva Dumani, vajza shqiptare e vetme e mbetur në kampin e njohur “Al Hol”, është rikthyer në Tiranë pranë nënës dhe vëllait të saj.

Në lidhje me këtë rast, Ministria për Europën dhe Punët e Jashtme njofton se operacioni për kthimin e shtetases E.D. u realizua me sukses falë koordinimit midis disa institucioneve të shtetit shqiptar dhe përfaqësisë diplomatike të vendit në Turqi.

Operacioni u mundësua gjithashtu me mbështetjen e partnerëve ndërkombëtarë, veçanërisht autoriteteve turke, të cilave Ministria u shpreh falënderime për bashkëpunimin në këtë rast sensitiv.

Ministria për Europën dhe Punët e Jashtme rikonfirmon gatishmërinë dhe vullnetin për t’iu përgjigjur çdo rasti, nevoje apo situate që prek shtetasit shqiptarë jashtë kufijve të vendit.