Sot, mot i ftohtë dhe me ngrica

Instituti Hidrometeorologjik bën të ditur se sot në Kosovë do të mbajë mot i vranët.

IHMK-ja njofton se ngricat tashmë janë prezente në të gjitha zonat, duke e bërë qarkullimin më të vështirë.

“Për këtë arsye, rekomandohet kujdes i shtuar për drejtuesit e automjeteve, të cilët duhet të jenë të pajisur me mjete dimërore dhe të shmangin udhëtimet e panevojshme”, thuhet në njoftim.

Gjithashtu, këmbësorët dhe personat e moshuar këshillohen të tregojnë kujdes maksimal për të shmangur rrëshqitjet dhe incidentet në rrugë.

IHMK-ja tutje thekson se temperaturat minimale do të jenë ndërmjet -3°C dhe -1°C, ndërsa ato maksimale do të variojnë nga 0°C deri në 2°C.

Era do të jetë e lehtë nga drejtimi verilindor.