Kurti për rënien e murit të Berlinit: Moment kyç në histori, vullnet i popullit për liri
Aktuale
November 09, 2024 - 21:30
Kurti, për rënien e murit të Berlinit: Moment kyç në histori, vullnet i popullit për liri
Kryeministri i Republikës së Kosovës, Albin Kurti, ka kujtuar rënien e murit të Berlinit, si një moment kyç në histori.
Kurti thotë se kjo ngjarje, jo vetëm që shënoi hapin e parë drejt ribashkimit të Gjermanisë, por edhe një kapitull të ri për Evropën.
“Sot shënohet 35 vjetori i rënies së Murit të Berlinit, një moment kyç në histori që shënoi jo vetëm hapin e parë drejt ribashkimit të Gjermanisë, por edhe një kapitull të ri për Evropën. Pak vite kanë ndikuar në histori aq thellë sa viti 1989 dhe rënia e Murit do të shërbejë përgjithmonë si një kujtesë se vullneti i popullit për liri mund të thyejë prangat e çdo shtypjeje të imponuar” shkroi Kurti.
