Presidentja Osmani në SHBA, merr “mësimin e parë” në pilotimin e helikopterit nga piloti që shërbeu 15 vjet në Kosovë

Presidentja e vendit, Vjosa Osmani, e cila ndodhet për vizitë në Shtetet e Bashkuara të Amerikës, ka marrë mësimin e parë në pilotimin e helikopterit prej njërit ndër pilotët më me përvojë, Joe Decapite.

Osmani përmes një postim në “X” ka shkruar se ndihet e nderuar që mori mësimin e parë në një nga kompanitë kryesore në botë në projektimin dhe prodhimin e helikopterëve.

“Më pëlqeu mësimi im i parë i pilotimit të helikopterit me pilotin Joe Decapite—një nga pilotët më me përvojë të Bell-it, i cili gjithashtu shërbeu në Kosovë 15 vjet më parë. E nderuar të mësoj nga më të mirët në një nga kompanitë kryesore në botë në projektimin dhe prodhimin e helikopterëve”, shkroi ajo.

Enjoyed my first helicopter piloting lesson with Pilot Joe Decapite—one of Bell's most seasoned pilots, who also served in Kosovo 15 years ago.

Honored to learn from the best at one of the leading companies in the world in helicopter design and manufacturing. pic.twitter.com/LnzyEW2kS4

— Vjosa Osmani (@VjosaOsmaniPRKS) May 10, 2024