Krasniqi viziton Ganimete Musliun pas ndërhyrjes që pati: Presim rikthimin tënd
Kryetari i PDK-së, Memli Krasniqi, ka njoftuar se bashkë me gruan e tij, Melizën, kanë vizituar deputeten Ganimete Musliun, e cila po rikuperohet pas ndërhyrjes kirurgjike që pati në zemër.
Krasniqi përmes një postimi në rrjetin social Facebook, ka thënë se aktivizmi i Musliut në shërbim të qytetarëve ka qenë gjithmonë i dalluar, derisa ka thënë se mezi po presin rikthimin e saj.
“U gëzuam që e gjetëm të buzëqeshur, optimiste dhe me sensin e humorit që e karakterizon. I tregova se na ka munguar shumë prezenca e saj në jetën publike, e posaçërisht në seancat e Kuvendit të Kosovës, ku aktivizmi i saj në shërbim të qytetarëve ka qenë gjithmonë i dalluar. Gane, deri në rehabilitimin tënd të plotë, mos harro se ke shumë miq, kolegë dhe dashamirë që të mbështesin në çdo hap dhe mezi presin rikthimin tënd”, ka shkruar Krasniqi.
