Studentët bllokojnë sallën koncertale në UP, kërkojnë largimin e Krasniqit

Dyert e sallës koncertale të Universitetit të Prishtinës janë bllokuar nga brenda nga studentët, të cilët kësisoj kanë pamundësuar daljen nga kjo sallë të Këshillit të Etikës, si dhe profesorit të akuzuar për ngacmim seksual, Xhevat Krasniqi.

“Ngacmuesit seksualë jashtë UP-së”, “Xhevat Krasniqi jashtë UP-së”, janë thirrjet e studentëve.

Pjesëtarë të Policisë ishin të pranishëm dhe më pas dolën nga salla.

Me gjithë kërkesën për përjashtim ose suspendim të profesorit Krasniqi nga lëvizja feministe studentore, asnjeri nga anëtarët e Këshillit të Etikës nuk po deklarohet lidhur me këto kërkesa. /rtk