Serweri s’pajtohet me vlerësimet e shërbimeve amerikane: Agresor në veri të Kosovës, ta kemi të qartë kush është
Paralajmërimet e komunitetit të inteligjencës amerikane në një raport të vlerësimit vjetor të kërcënimit në botë se mund të ketë rrezik të shtuar në Ballkanin Perëndimor gjatë vitit 2024 i ka komentuar profesori i “John Hopkins”-it, Daniel Serwer.
Në këtë raport thuhet se “përleshjet mes nacionalistëve serbë dhe autoriteteve kosovare çuan në vdekje dhe plagosje, duke përfshirë edhe trupat e NATO-s, në vitin 2023”.
Por, Serweri thotë se s’është e saktë, duke shtuar se ka vetëm një agresor në veri të Kosovës dhe se duhet të jetë e qartë se kush është ai.
“Kjo është e gabuar. Një incident ishte një sulm serb ndaj trupave të NATO-s. Në një incident të veçantë, Policia e Kosovës ndaloi me sukses një komplot serb që synonte të krijonte një justifikim për një avancim ushtarak serb në Kosovë. Ka një agresor në veri të Kosovës. Duhet ta kemi të qartë se kush”, tha Serweri në një koment në X ndaj një postimi të Jakub Bielamowicz nga një think-tank, i cili kishte ndarë dy rreshtat kyçë të raportit ku flitej për Kosovën dhe Bosnjë e Hercegovinën. /express
According to US Intelligence Community, the Balkans will likely face increased violence in 2024:
— Jakub Bielamowicz (@KubaBielamowicz) March 11, 2024
• Clashes between Serb nationalists & Kosovar authorities led to deaths & injuries, incl to NATO troops
• Dodik is taking steps towards de facto secession of his Republika Srpska pic.twitter.com/OcGAG6hKjg
