![Protestë gjithëpopullore në Prishtinë, kërkohet drejtësi për Liridona Ademajn](/uploads/zeri.info/images/2023/December/05/auto_p1701796324.jpg)
Protestë gjithëpopullore në Prishtinë, kërkohet drejtësi për Liridona Ademajn
Në sheshin “Zahir Pajaziti” në Prishtinë po protestohet për të kërkuar drejtësi për Liridona Ademajn, e cila u vra më 29 nëntor në fshatin Bërrnicë të Prishtinës.
Ky aktivitet me moton “Nuk ka paqe pa sigurinë e grave”, është organizuar nga Kolektivi për Mendim dhe Veprim Feminist.
Aty po marrë pjesë shumë qytetarë dhe aktivistë të shoqërisë civile, raporton Zeri.info.
“Drejtësi për Liridonën”, “Gjykata armike e grave”, “Vrasësit e grave në burg”, janë vetëm disa nga mbishkrimet që mbajnë protestuesit në duar.
![Image](https://zeri.info/uploads/zeri.info/images/2023/December/05/auto_l1701797781.jpg)
Karvani i protestuesve do të shkojë fillimisht tek institucioni i Avokatit të Popullit e më pas edhe tek institucionet e tjera, përfshirë edhe ato të drejtësisë.
Dyshohet se deri tek vrasja erdhi pas një inskenim të një grabitje.
![Image](https://zeri.info/uploads/zeri.info/images/2023/December/05/auto_l11701797784.jpg)
Ish-burri i saj, Naim Murseli, dyshohet të jetë organizatori i kësaj ngjarje makabre.
Ai dhe dy të dyshuarit e tjerë, Granit Plava dhe Kreshnik Kokalla, janë arrestuar nga policia.
![Image](https://zeri.info/uploads/zeri.info/images/2023/December/05/auto_l21701797787.jpg)
Ndaj tyre, Gjykata Themelore ua ka caktuar nga një muaj paraburgim. /Zëri