Sveçla: Nëse Vuçiqi futet pa leje në Kosovë, do të arrestohet
Ministri i Brendshëm, Xhelal Sveçla, ka paralajmëruar se do ta arrestojnë presidentin serb nëse futet pa leje në Kosovë.
“Për me leje te kryeministri, për pa leje te unë”, ka deklaruar Sveçla në emisionin DPT te Fidani në ATV.
“Është çështje vendimmarrëse e kryeministrit në qoftë se ka kërkesë, a i jep leje apo jo Vuçiqit. E, për pa leje, pastaj dihet cilat institucione merren me të. Nëse futet në Kosovë, pa asnjë dyshim. Si po mendoni ju që dikush, shtetas i huaj, mund të futet në Republikën e Kosovës pa lejen e institucioneve të Kosovës”.
“Cilat janë pasojat? Pasoja është që thjesht nuk ke shtet nëse kreu i shtetit tjetër futet pa leje në territorin tënd”, mirëpo, ka deklaruar Sveçla, “unë nuk besoj që Vuçiqi është aq i krisur që të vijë në Kosovë pa leje”, deklaroi ai.
