Kosova u vendos sanksione të reja Rusisë dhe Bjellorusisë
Republika e Kosovës ka vendosur sanksione ndaj Federatës Ruse dhe Bjellorusisë në raport me situatën në Ukrainë.
Kjo u bë e ditur në mbledhjen e Qeverisë së Kosovës, e cila u mbajt pa praninë e kryeministrit Albin Kurti dhe u udhëhoq nga zëvendëskryeministri, Besnik Bislimi.
Ai përmendi SHBA-në dhe Bashkimin Evropian, që kanë miratuar pakon e re të sanksioneve ndaj Federatës së Rusisë.
Një nga sanksionet që përmendi zëvendësi i Kurtit është edhe ngrirja e aseteve ndaj disa individëve dhe korporatave ruse.
Sanksionet u miratuan nga kabineti qeveritar, raporton EO-ja.
Kosova edhe më herët ka vendosur sanksione ndaj Rusisë, në vijë me Shtetet e Bashkuara të Amerikës dhe Bashkimin Evropian.
Kryeministri Albin Kurti kishte theksuar se masat janë ekonomike, tregtare dhe financiare.
