Shtetet më paqësore në botë për vitin 2020, ja ku radhitet Kosova

Shtetet më paqësore në botë për vitin 2020, ja ku radhitet Kosova

Aktuale January 21, 2021 - 10:37

Instituti për Ekonomi dhe Paqe (IEP) ka publikuar indeksin për shtetet më paqësore në botë për vitin 2020.

Sipas këtij indeksi, paqja globale është përkeqësuar gjatë vitit të kaluar.

Rezultatet e këtij viti tregojnë se niveli i paqes globale u përkeqësua, me rezultatin mesatar të vendit, duke rënë me 0,34 për qind, transmeton “Zeri.info”.

Ky është përkeqësimi i nëntë i paqes në dymbëdhjetë vjetët e fundit, me 81 vende që po përmirësohen dhe 80 regjistrime të përkeqësimeve gjatë vitit të kaluar.

Raporti zbulon një botë në të cilën konfliktet dhe krizat që u shfaqën në dekadën e kaluar kanë filluar të zbuten, vetëm për t’u zëvendësuar me një valë të re tensioni dhe pasigurie si rezultat i pandemisë COVID-19.

Islanda mbetet vendi më paqësor në botë, një pozicion që e ka mbajtur që nga viti 2008. Atë e ndjekin në krye të indeksit Zelanda e Re, Austria, Portugalia dhe Danimarka. Afganistani është vendi më pak paqësor në botë për të dytin vit radhazi, i pasuar nga Siria, Iraku, Sudani i Jugut dhe Jemeni.

Sipas IEP-së, Kosova në nivel global radhitet në vendin e 85-të, duke shënuar një përkeqësim për gjashtë vende nga viti i kaluar, bashkë me vendin tonë radhiten Peruja, Bolivia dhe Kuba, raporton “Zeri.info”.

Ndërsa në nivel të Evropës Kosova radhitet e parafundit, në vendin 35-të, duke e lënë pas vetëm Turqinë, e cila radhitet e 36-ta. /Zëri

Image