Nga kjo komunë është viktima e shtatë nga Covid 19 në Kosovë
Aktuale
April 09, 2020 - 21:43
LAJMI I FUNDIT
Klinika Infektive ka konfirmuar për viktimën e shtatë me radhë në Kosovë nga virusi vdekjeprurës Covid 19, raporton “Zëri.info”.
Sipas njoftimit personi që ka ndërruar jetë sot në orët e mbrëmjes nga koronavirusi është nga komuna e Gjilanit.
Njoftimi i plotë:
Klinika Infektive e QKUK-së ka njoftuar sonte se sot më 09.04.2020 në orët e mbrëmjes, në Njësinë e Kujdesit Intensiv të kësaj klinike, ka vdekur pacienti Z.I, i lindur më 1948 nga komuna e Gjilanit, i diagnostikuar me COVID 19.
Pacienti është pranuar në Klinikën Infektive me datën 31.03.2020 në gjendje të rëndë dhe kishte edhe sëmundje të tjera shoqëruese.
Kjo është vdekja e shtatë nga Covid-19 në Kosovë.
