A kishte plan UÇK'ja ta ekzekutonte Enver Sekiraçën sipas Remit?

Ish-komandanti i Ushtrisë Çlirimtare të Kosovës, Rrustem Mustafa, i njohur si Remi, ka folur për burgosjen e Enver Sekiraçës gjatë luftës nga UÇK’ja, nën dyshimin se ishte bashkëpunëtor i regjimit të Sllobodan Millosheviqit.

Remi ka thënë në T7, se s’ka qenë në dijeni që Sekiraça ka qenë i burgosur në Llap, derisa ai është liruar.

Ai ka treguar se ka marrë vesh për Sekiraçën “krejt në fund”, dhe se nuk e ka njohur atë më parë.

I pyetur se a ka ekzistuar një plan për ekzekutimin e Sekiraçës, Remi ka mohuar një gjë të tillë.