Haradinaj tregon se çfarë bisedoi me sekretarin e NATO-s

Aktuale December 19, 2018 - 13:28
Lexo detajet!

Kryeministri i vendit, Ramush Haradinaj sot ka zhvilluar një bisedë telefonike me Sekretarin e Përgjithshëm të NATO-s, Jens Stoltenberg.

Gjatë kësaj bisede Haradinaj ka diskutuar për angazhimin e NATO-s në Kosovë.

LEXO EDHE: Sekretari i NATO-s - Haradinajt: Nuk ndikohemi nga ligjet e FSK-së

Haradinaj ka thënë se e ka garantuar Stoltenbergun për transparencën e tranzicionit të FSK-së.

Postimi i plotë i Haradinaj: 

Sot, kam zhvilluar një bisedë miqësore telefonike me Sekretarin e Përgjithshëm të NATO-s, z. Jens Stoltenberg, dhe jam i kënaqur me përkushtimin e NATO-s për të mbështetur Kosovën në tërësi.

Me kënaqësi e informova Sekretarin Stoltenberg për miratimin e Ligjeve për Ministrinë e Mbrojtjes, mandatimin ushtarak të FSK-së dhe shërbimin në FSK.

Po ashtu, e informova për veprimin konkret të Qeverisë së Kosovës në themelimin e Komitetin Ndër-Ministror për Integrimet dhe Anëtarësimin në NATO, si një zhvillim konkret për afrimin e Kosovës me NATO-n.

E garantova Sekretarin Stoltenberg për transparencën e procesit të transicionit të FSK-së, duke shprehur vizionin tim dhe të Qeverisë për thellimin e partneritetit me NATO-n, KFOR-in, NALT-in, Programin e Ndërveprimit të Zgjeruar dhe për gatishmërinë e trupave të FSK-së për kontribut në sigurinë rajonale dhe globale.

Kosova do të punojë ngushtë me NATO-n për të përmbushur kapacitetet e plota operacionale të FSK-së në mandatin ushtarak, si dhe për angazhimin e përbashkët në ofrimin e sigurisë dhe mbrojtjes