Këshilli i Sigurimit diskuton sot për ushtrinë e Kosovës

Këshilli i Sigurimit diskuton sot për ushtrinë e Kosovës

Aktuale dhjetor 17, 2018 - 08:02
Lexoni më shumë lajme nga vendi

Këshilli i Sigurimit të OKB-së do të diskutojë sot për formimin e Ushtrisë së Kosovës, me kërkesë të Beogradit zyrtar.

Presidenti i Kosovës, Hashim Thaçi dhe homologu i tij serb Aleksandar Vuçiq pritet të flasin në seancë, e cila do të jetë e hapur për media dhe fillon në ora 21.00.

Thaçi para nisjes për në Nju Jork deklaroi se pavarësisht diskutimit në KS të OKB-së, transformimi i FSK-së në ushtri është proces i pakthyeshëm.

LEXO EDHE: Brukseli sot diskuton për taksën ndaj Serbisë

"Nëse Serbia është e shqetësuar nga krijimi i ushtrisë sonë, serbët e Kosovës ndihen të sigurt", tha Thaçi.  

Ai tha se duke formuar ushtrinë dhe duke arritur një konsensus të gjerë politik dhe civil mbi dialogun me Serbinë, Kosova kishte arritur "sukses të jashtëzakonshëm" në ditët e fundit.

Ndryshe, Kuvendi i Kosovës të premten miratoi ligje me të cilat FSK-ja transformohet në Ushtri të Kosovës.