Milani e gjen zëvendësuesin e Bonuccit

Simon Kjaer duket se do të rikthehet përsëri në Serie A.

Mbrojtësi danez ka qenë kapiten i ekipit kombëtar në Rusia 2018, ku pati paraqitje mjaftë të mira.

Edhe me Sevillën edicionin e kaluar ka shkëlqyer në fazën defensive, dhe kjo ka bërë që emri i tij të lakohet tek Milani.

Mediat italiane kanë raportuar se Rossonerët po e shohin danezin si zëvendësuesin adekuat të Bonuccit.

Kapiteni aktual i Milanit do të largohet dhe e ardhmja e tij është në Juventus ose Paris Saint Germain.

29-vjeçari ka kontratë me klubin spanjoll Sevilla deri në qershor të vitit 2021.

Gjithnjë sipas La Gazzetta ai mund t’i bashkohet Milanit nëse Rossonerët paguajnë 15 milionë euro.

Në rast transferimi në San Siro, për Kjaerin do të ishte një rikthim në Serie A.

Danezi ka luajtur për Palermon dhe Romën në kampionatin italian.