E konfirmon UEFA: Dua Lipa do ta bëjë hapjen zyrtare të finales së Champions League

Dua Lipa do ta bëjë hapjen zyrtare në finalen e Ligës së Kampionëve.

Përmes një postimi në llogarinë zyrtare në rrjetet sociale, UEFA ka bërë të ditur se këngëtarja shqiptare me famë botërore, Dua Lipa, do të bëjë hapjen zyrtare të finales së Champions League.

Për të konfirmuar Dua Lipën, UEFA ka publikuar një videoje promovuese të finales së Championsit në të cilën ajo shihet si hije dhe në sfond dëgjohen tingujt e këngës ‘New Rules’.

Të gjithë e presin me padurim që të fillojë ndeshja Real Madrid – Liverpool në Kiev të Ukrainës, ku përveç lojës që pritet të jetë fantastike, tani edhe më të veçantë do ta bëjë prezenca e këngëtares shqiptare, ambasadores më të mirë të Kosovës.

Finalja mes Realit e Liverpoolit zhvillohet më 26 maj. /Gazeta Express/