Arsenali shpreson në Luis Enriquen
Sport
April 25, 2018 - 14:17
Arsenali është në kërkim të trajnerit të ri. Së fundmi, menaxheri Arsene Wenger konfirmoi se do të largohet nga “Topçinjtë” në fund të këtij sezoni, duke i dhënë fund epokës prej më shumë se dy dekadash me “Gunners”.
Prandaj, klubi londinez do të mundohet që ta bindë Luis Enriquen që ta marrë në dorë ekipin anglez.
Lajmin e ka bërë të ditur tabloidi britanik “Mirror”, sipas të cilit, ish-trajneri i Barcelonës është kandidati kryesor për ta pasuar trajnerin francez.
Flitet se Luis Enrique mund t’i marrë 15 milionë funte në vit në klubin londinez.
Zyrtari i Arsenalit, Raul Sanllehi ishte drejtor i futbollit në Barça kur Luis Enrique ishte trajner.
Tash, “Gunners” do të tentojnë ta marrin 47 vjeçarin, i cili aktualisht është i papunë. /Zëri/