Manchester City i bindur për Sanchezin
Manchester City është i bindur në transferimin e sulmuesit të Arsenalit, Alexis Sanchez për 50 milionë funte, transmeton zeri.info
Pavarësisht se Arsenali nuk dëshiron ta shesë yllin e saj, kiliani ka shprehur dëshirën për të luajtur nën urdhrat e Pep Guardiolas.
Reprezentuesi kilian ka vetëm edhe një vit kontratë me klubin londinez dhe nëse nuk e shesin këtë verë mund të rrezikojnë ta humbasin pa para gjatë vitit të ardhshëm.
Sanchez deri më tani ka refuzuar rinovimin e kontratës me londinezët.
Pep Guardiola dëshiron të ribashkohet me ish lojtarin e tij te Barcelona. Trajneri spanjoll e kishte transferuar kilianin te Barcelona në verën e vitit 2011 nga Udinese.
Për futbollistin interesim kanë shprehur edhe Paris Saint-Germaini dhe Bayern Munchen./Zëri
