Kjo është monedha e re 0 euro

Trieri, qyteti gjerman ku u lind Karl Marksi, e festoi më 13 prill 200 vjetorin e lindjes së tij. Ky qytet lansoi kartmonedha 0 euroshe me fytyrën dhe emrin e Marksit në to, por të cilat kushtojnë 3 euro.

Trieri, ndodhet në jug-lindje të Gjermanisë, dhe së fundi ka nisur një fushatë të gjerë për të festuar ditëlindjen e filozofit dhe ekonomistit gjerman, por me një vendim qartësisht kapitalist, që mori gjithë vëmendjen.

Kartmonedhat që dukeshin si të ishin euro përnjëmend, ishin në dispozicion në zyren e turistëve në Trier dhe gjithandej qytetit.

Thuhet se janë shitur deri në 5 mijë kartmonedha të tilla në Trier, dhe se është planifikuar të shiten edhe 20 mijë të tjera. Marksi njihej si një kritik i madh i sistemit kapitalist, shkruan Periskopi.

Qyteti poashtu i ka ndryshuar disa prej shenjave të trafikut duke i përshtatur me imazhin e Marksit, dhe po e bën një statujë tjetër për autorin e “Kapitalit”, që është financuar nga qeveria kineze e që peshon tre ton.