Të lënduarit e aksidentit në Ferizaj, jashtë rrezikut për jetë
Drejtoria Rajonale e Policisë në Ferizaj përmes një komunikate për media bën të ditur se tre personat e lënduar në aksidentin në magjistralen Ferizaj-Gjilan janë jashtë rrezikut për jetë, transmeton “Zëri.info”.
Në komunikatë jepen edhe detajet e aksidentit. Sipas policisë aksidenti ka ndodhur në orët e para të mëngjesit dhe si pasoj e lëndimeve të rënda një person ka mbetur i vdekur. Sipas policisë aksidenti ka ndodhur si pasojë e pakujdesisë së një veture me targa të huaja.
LEXO EDHE: Aksident tragjik në Ferizaj, një i vdekur e tre të lënduar rëndë
Ja njoftimi i plotë i policisë:
Sot rreth orës 04.25 minuta, në “Rr. Rexhep Bislimi”, në afërsi të udhëkryqit të magjistrales Ferizaj – Gjilan, ka ndodhur një aksident komunikacioni me fatalitet, në të cilin lëndime vdekje prurëse ka marr, D.F. (43 vjeç), nga Ferizaj, ndërsa janë lënduar edhe tre persona të tjerë.
Hetimet e para të hetuesve të Njësitit Rajonal të Trafikut Rrugor nga vendi i ngjarjes, thonë se deri te aksidenti ka ardhur, kur vetura me targa të Republikës së Serbisë, të cilën po e ngiste A.S. (41 vjeç) nga Bujanovci, që po qarkullonte nga magjistralja
Ferizaj-Kaçanik, në tentim të kyçjes në rrugën kryesore, goditet nga vetura e tipit “Audi” me targa vendore, të cilën po e ngiste tashmë i ndjeri, (D.F.).
Me këtë rast, lëndime trupore kanë marr edhe tre persona të tjerë. Të lënduarit janë dërguar në QKUK-Prishtinë dhe sipas mjekut kujdestar, janë jasht rrezikut për jetë. Me urdhër të prokurorit, trupi i pajetë është dërguar për autopsi në Institutin e Mjekësisë Ligjore në Prishtinë. /ZËRI