Pas Iranit, edhe Iraku paralajmëron sulm të fuqishëm ndaj amerikanëve

Pas Iranit, edhe irakianët po paralajmërojnë sulme ndaj caqeve amerikane në këtë shtet.

Lideri i milicisë shiite të Irakut, Asaib Al-Haq tha sot se është koha që Iraku të kudërpërgjigjet për vrasjen e liderit të kësaj force, Abu Mahdi al-Muhandis që u vra në të njëjtin sulm bashkë me gjeneralin iranian, shkruan CNN

Media e organizatës shiite të Al-Haq ka publikuar deklaratën e kreut të grupit ushtarak, në të cilën paralajmërohet se sulmi mund të jetë në përmasa të atij të mbrëmshmit.

“Përgjigja e Iranit për vrasjen e martirit Soleimani ndodhi. Tani është koha që edhe Iraku të përgjigjet për vrasjen e martirit al-Muhandis(një lider i milicisë irakiane që u vra në të njëjtin sulm).

“Përgjigja e Irakut nuk do të jetë më e vogël se ajo e Iranit, dhe ky është një premtim”, citohet deklarata e liderit irakian.