Melania Trump në Shtëpinë e Bardhë pas operacionit
Bota
May 20, 2018 - 07:55
Detajet
Zonja e Parë e Shteteve të Bashkuara, Melania Trump është kthyer në Shtëpinë e Bardhë pasi i është nënshtruar një operacioni këtë javë, ka njoftuar zyra e saj.
Melania Trump, 48-vjeçare, iu nënshtrua të hënën një operacioni në veshkë në Qendrën Mjekësore Ushtarake Walter Reed në Uashington, transmeton Reuters.
LEXO EDHE: Stoltenberg takon Trumpin në SHBA: Temë, Samiti i Brukselit dhe lufta kundër korrupsionit
Zëdhënësja e saj, Stephanie Grisham përmes një deklarate tha se Zonja e Parë është kthyer në Shtëpinë e Bardhë, mëngjesin e së shtunës.
“Ajo është duke pushuar dhe është në gjendje të mirë. Zyra jonë ka pranuar mijëra telefonata dhe emaile që i kanë uruar shërim të shpejt zonjës Trump dhe ne i falënderojmë të gjithë”, ka thënë ajo./REL
