“Millorad Dodikun e pret fati i Sadam Huseinit, Gadafit dhe Millosheviqit”
Kryesuesi i presidencës së Bosnjës dhe Hercegovinës, Bakir Izetbegoviq, ka vlerësuar sonte se referendumi për “Ditën e Republikës” në Republikën Serbe, po bëhet me inat të presidentit të RS-së, Millorad Dodik, i cili, sipas Izetbegoviqit, e pret fati i Sadam Huseinit, Muammer Gadafit dhe Sllobodan Millosheviqit.
Izetbegoviq ka thënë se nesër është ditë e re, respektivisht 26 shtatorit, dhe mendon se reagimet e bashkësisë ndërkombëtare nuk do të ndalen, transmeton lajmi.net.
“Mendoj se reagimet e bashkësisë ndërkombëtare nuk do të rreshtin. E kemi parë se si Sadam Husein, Gadafi dhe Millosheviq kanë përfunduar, dhe kështu duket edhe në Republikën Serbe”, ka thënë ai.
LEXO EDHE: Izbetbegoviq tërhiqet para presionit serb, thotë se në Bosnje nuk do të ketë luftë!
Ai vlerëson se me këtë mënyrë të sjelljes nuk mund të kesh marrëdhënie me SHBA-në, BE-në, Komisionin e Venedikut, Gjykatën Kushtetuese…
Referundumi i sotëm është mbajtur për ta caktuar 9 janarin si ditë të Republikës Serbe, ditë kjo që përkon me 9 janarin e vitit 1992, kur serbët aso kohë patën shpallur Republikë brenda Bosnjës.
