Kurti për ndalimin e kosovarëve nga Serbia: Shkelje e rëndë e të drejtave të njeriut

Kryeministri i Kosovës Albin Kurti ka reaguar pasi Serbia ka bllokuar mbi 300 kosovarë në kufi, duke mos lejuar lëvizjen e autobusëve nga Kroacia.

Kurti ka thënë se e gjithë kjo po ndodh një ditë pas votimit pozitiv të Asamblesë Parlamentare të Këshillit të Evropës, e që sipas tij Serbia po hakmerret duke keqtrajtuar kosovarët.

Ai tha se kjo është një shkelje e rëndë e të drejtave të njeriut, transmeton Zeri.info.

“Një ditë pasi Asambleja Parlamentare votoi në favor të Kosovës për anëtarësimin në Këshillin e Evropës, Serbia hakmerret kundër civilëve kosovarë. Që nga mëngjesi i sotëm, mbi 300 qytetarë tanë, përfshirë fëmijët, kanë mbajtur arbitrarisht në kufi, janë privuar nga ushqimi dhe mjekimi. Një shkelje e rëndë e të drejtave të njeriut!”, shkroi Kurti në Twitter. /Zëri

A day after @PACE_News voted in favor of ë membership in @coe, Serbia retaliates against ë civilians. Since this morning, over 300 of our citizens—incl. children—have been arbitrarily detained at the border, deprived of food & medication. A gross violation of human rights!

— Albin Kurti (@albinkurti) April 17, 2024