Thaçi përshëndet rezolutën kundër prekjes së kufijve
Presidenti i vendit, Hashim Thaçi ka përshëndetur vendimin e koalicionit qeverisës për miratimin e Draft-Rezolutës për dialogun në mes të Kosovës dhe Serbisë, raporton “Zëri.info”.
Thaçi në një postim në “Facebook”, ka shkruar se kjo gjë është shumë e rëndësishme për arsye se paraqet unifikimin për mbrojtjen e interesave të qytetarëve.
LEXO EDHE: Këmbëngul Haradinaj: Kufijtë e Kosovës nuk negociohen
Ky është postimi i plotë i tij:
E përshëndes vendimin e subjekteve politike të koalicionit qeveritar për harmonizimin e qëndrimeve politike dhe hartimin e rezolutës së përbashkët për dialogun.
Është shumë e rëndësishme për shtetin tonë, që ne të gjithë të jemi sa më unikë dhe të bashkohemi për mbrojtjen e interesave qytetare dhe shtetërore në dialogun ndërmjet Kosovës dhe Serbisë në Bruksel.
Interesi shtetëror i Republikës së Kosovës duhet të jetë gjithmonë mbi çdo interes partiak apo elektoral. /ZËRI