Aktuale

Policëve iu ndalohet falja e namazit

Policëve iu ndalohet falja e namazit
14 shtator 2018 • 23 : 42

Lexo tjera detaje

Janë obligime që duhet t’i kryejë çdo mysliman. Pas abdesit, besimtarët falin namazin si një nga pesë detyrat që duhet t’i përmbushin.

Njëjtë po veprojnë edhe këta qytetarë të Xhaminë e Madhe në Prishtinë.

Por, këtë gjë nuk kanë të drejtë ta praktikojnë policët të Kosovës, gjatë orarit të punës.

Drejtori i ri i Policisë, Rashit Qalaj, në Frontal ka deklaruar se një gjë e tillë paraqet pengesë në punën e tyre.

Përderisa drejtori thotë se kjo ndikon në punë, nga Bashkësia Islame e Kosovës konsiderohet si shkelje e të drejtave të njeriut.

Këto gjëra janë të garantuara me Kushtetutën e Kosovës, me norma të legjislaturës së Kosovës, çka është e lejueshme, ne do të kërkojmë të aplikohet, çka është e ndaluar me ligj dhe me rregullore atëherë nuk do të përzihemi dhe i respektojmë të gjitha këto, shtetin, ligjet e Kosovës dhe Kushtetutën e vendit. Unë personalisht nuk e pranoj këtë, kjo është shkelje direket e drejtave të njeriut, ne si institucion do të reagojmë për shkak se nuk i pranojmë dhe është shkelje e drejtave të njeriut dhe poashtu shkelje e Kushtetutës.

Megjithatë, një urdhër i tillë po respektohet nga policia.

Të premten, ditën kur besimtarë të shumtë u drejtuan në xhaminë e madhe për të falur namazin e xhumasë, në xhemat nuk u pa asnjë pjesëtarë i policisë.

Kryeimami i Xhamisë së Madhe, thotë se në kaluarën kanë pasur policë e pjesëtarë të FSK-së, e nëse praktimi i besimit nuk do të ju lejohet nëpër xhami, një gjë e tillë duhet të rregullohet brenda institucionit.

Kjo nuk u ka pëlqyer as atyre që falen rregullisht.

Ata thonë se kanë parë disa herë pjestarë të FSK-së e policisë në xhami.

Dikush tjetër, tregohet më i ashpër.

Por, njohësit e çështjeve të sigurisë thonë se kjo gjë duhet të kishte ndodhur kohë më parë.

Avni Islami i tha Frontal-it se policisë së Kosovës nuk i jep imazh të mirë, qëndrimi nëpër kafene apo edhe në xhami me uniformë zyrtare.

Vendimi i drejtorit të Policisë, që policët të qëndrojnë larg institucioneve fetare erdhi sipas tij për të sjellur rregull në këtë institucion.

© zëri.info