Haziri kërkon nga Serbia lirimin e menjëhershëm të mjekut nga Gjilani
Kryetari i Komunës së Gjilanit, Lutfi Haziri, ka reaguar me rastin e arrestimit të stomatologut gjilanas që jeton dhe vepron në Gjermani, Ibrahim Matoshi, nga ana e policisë serbe, në pikën kufitare Dheu i Bardhë.
Haziri e ka vlerësuar lart personalitetin e Matoshit si mjek e humanist, duke kërkuar lirimin e menjëhershëm të tij.
LEXO EDHE: Hoxhaj reagon për ndalimin e shqiptarit në Serbi
“Me shqetësim e kam marrë lajmin për arrestimin e mjekut gjilanas, Ibrahim Matoshi nga policia serbe. Kërkoj lirimin sa më të shpejtë të këtij humanisti të madh të Gjilanit dhe t’i kthehet punës, familjes e punës profesionale në Gjermani”, ka thënë Haziri.
Përndryshe, Matoshi është arrestuar në pikën kufitare Dheu i Bardhë nga policia serbe pa asnjë paralajmërim, përderisa po kthehej në Gjermani pas pushimeve të kaluara në familje.
