Kështu bëhet dezinsektimi i hapësirave të prekura nga rriqrat në Malishevë përmes tenderit milionësh (VIDEO)
Dezinsektimi i hapësirave të ekspozuara për ethet hemorragjike në Komunën e Malishevës, po vlerësohet se nuk është duke u kryer në mënyrë profesionale.
Kështu po alarmojnë, përfaqësuesit e Komunës së Malishevës dhe rrjeti i organizatës jo qeveritare “Avonet”, që kanë monitoruar këtë proces prokurimi në terren.
LEXO EDHE: Dyshime për keqpërdorime në tenderin milionësh për mbytjen e rriqrave
Zeri.Info ka siguruar edhe pamje nga procesi i dezinsektimit të hapësirave të ekspozuara për ethet hemorragjike në fshatrat e Malishevës, në të cilat shihet qartë se forma e spërkatjes nuk realizohet në të gjitha hapësirat në mënyrë unike, por me selektime.
I dyshimtë, po cilësohet edhe preparati me të cilin po kryhen punimet, që po vlerësohet të jetë i rrezikshmërisë së lartë në mjedis.
Ndryshe, Gazeta “Zëri” gjatë ditës ka raportuar për dyshimet e ngritura në keqpërdorimin e tenderit gati milionësh për mbytjen e rriqrave në Malishevë.
Zëri do të vazhdoj me përcjelljen e rastit dhe publikimin e dëshmive tjera që ka siguruar nga hulumtimi. /ZËRI/