Ahmeti informon qytetarët se çfarë do të ndodh nesër në rrugët e Prishtinës
Kryetari i Prishtinës, Shpend Ahmeti, ka informuar se nga nesër prej orës 10:00 do të pastrohen rrugët e ndaluara për qarkullim.
Ahmeti ka thënë se edhe nesër do të vazhdohet me ndalimin e veturave me qëllim përmirësimin e cilësisë së ajrit në kryeqytet.
LEXO EDHE: Kjo është tollovia që u shkaktua sot në qendër të Prishtinës
“Sot, një qytet ndryshe. Vazhdojmë edhe nesër pastaj e vlerësojmë. I kuptojmë telashet për disa grupe të qytetarëve por ju lus që të ja falni këto ditë qytetit tonë. Nesër prej orës 10:00 do t’i lajmë rrugët e ndaluara për te qarkullim”, ka shkruar Ahmeti në facebook.
Ndryshe, sot që nga ora 06:00 e mëngjesit janë ndaluar shumica e veturave që të mos hyjnë në qendër të Prishtinës.
Kjo masë është marrë me qëllim të përmirësimit të gjendjes së ambientit që këto ditë ka tejkaluar standardet e lejuara.