Takimet e kryeministrave në Bruksel, Kosovës nuk i ekspozohet flamuri
Aktuale
December 18, 2017 - 20:14
Shefja e BE’së për Politikë të Jashtme, Federica Mogherini, ka ftuar në një darkë joformale kryeministrat e gjashtë vendeve të Ballkanit Perëndimor, ku po merr pjesë edhe kryeministri kosovar Ramush Haradinaj.
Mogherini ka mbajtur takime të ndara para darkës me secilin nga kryeministrat, duke bërë më pas edhe nga një fotografi me secilin nga ta.
LEXO EDHE: Haradinaj tregon se çka biseduan me Mogherinin
Por, çka bie në sy në këto fotografi, është se vetëm kryeministri Ramush Haradinaj nuk e ka në sfond flamurin e shtetit që përfaqëson, për dallim nga homologët e tij.
Gjithë kjo pasi Kosovën akoma nuk e kanë njohur si shtet 5 anëtare të Bashkimit Evropian.
