Protokoll i pakuptimtë!
Analistët politikë thonë se Shqipëria dhe Serbia nuk mund të nënshkruajnë protokolle bashkëpunimi për projektet infrastrukturore që kalojnë nëpër territorin e Kosovës pa e marrë pëlqimin e kësaj të fundit. Sipas tyre, një veprim i tillë është i pazakontë, qoftë nga prizmi i marrëdhënieve ndërshqiptare, qoftë nga ai i marrëdhënieve ndërkombëtare
Nënshkrimi i protokollit të bashkëpunimit mes përfaqësuesve të Qeverisë së Shqipërisë dhe Serbisë për ndërtimin e autostradave dhe linjave hekurudhore që do të kalojnë nëpërmjet territorit të Kosovës pa marrë pëlqimin e kësaj të fundit vlerësohet si i pakuptimtë dhe i pazakontë.
Kështu kanë vlerësuar analistët politikë nënshkrimin e një protokolli të tillë në ditën kur gazeta “Zëri” ka botuar dokumente zyrtare, sipas të cilave, përfaqësues të Shqipërisë dhe Serbisë më 15-16 prill 2015 ishin pajtuar për të rritur bashkëpunimin në fushën e krijimit të projekteve rajonale të transportit rrugor dhe hekurudhor si: “Rruga 7” Nish-Prishtinë-Durrës-Beograd dhe Beograd-Bar-Tiranë dhe në linjat e transportit hekurudhor Nish-Doljevac, Rudarë-Prishtinë-Prizren-Morinë-Milot dhe Beograd-Lapovo, Kraljevë, Rudnicë-Prishtinë-Prizren-Morinë-Milot.
LEXO EDHE: Shqipëria dhe Serbia 'zhbëjnë' Kosovën! (Dokument)
Përkatësisht projektet infrastrukturore, që përfshijnë tri shtete: Serbinë, Kosovën dhe Shqipërinë, para një viti janë nënshkruar vetëm nga zëvendësministrja e Zhvillimit Ekonomik të Shqipërisë, Brunilda Paskali, dhe sekretari i shtetit në Ministrinë e Tregtisë së Serbisë, Stevan Nikçeviq, me ç’rast është anashkaluar përfaqësuesi i Qeverisë së Kosovës...(Shkrimin e plotë mund ta lexoni në numrin e sotëm të gazetës Zëri si dhe në versionin online me parapagim në online.zeri.info)
