Isaku dhe Olise, synimet e Arsenalit në verë

Arsenali po intensifikon ndjekjen e përforcimeve për sezonin e ardhshëm, duke synuar sulmuesin e Newcastle Unitedit Alexander Isakun dhe anësorin e Crystal Palaces, Michael Olise, sipas “The Guardian”, përcjell “Zëri”.

Isaku është shfaqur si objektivi kryesor i linjës sulmuese të Arsenalit. “Topçinjtë” e kishin kërkuar më parë suedezin përpara se të transferohej te Newcastle nga Real Sociedadi në vitin 2022. Bindja e Newcastles për t’u ndarë me Isakun mund të kërkojë një ofertë të madhe prej rreth 100 milionë funtesh.

Ndërkohë, Olise ka tërhequr vëmendjen e skautëve të Arsenalit me paraqitjet e tij të fundit për Crystal Palacen. Anësori 22-vjeçar ka qenë në formë të mirë, duke kontribuuar në tetë gola në tetë ndeshjet e tij të fundit. Megjithatë, Arsenali mund të përballet me konkurrencë nga klubet kryesore si Manchester City dhe Manchester Unitedi për nënshkrimin e Oliset, veçanërisht me një klauzolë lirimi prej 65 milionë eurove, që do të aktivizohet në verë. /Zëri