Vetëvendosje kryeson bindshëm në votat nga përfaqësitë diplomatike
Zgjedhjet 2025
January 02, 2026 - 18:55
Komisioni Qendror i Zgjedhjeve ka nisur numërimin e votave nga përfaqësitë diplomatike. Deri më tani, nga gjithsej 40 vendvotime, janë numëruar 17 prej tyre.
Sipas rezultateve të deritanishme, Lëvizja Vetëvendosje ka marrë 85.11 për qind të votave, përkatësisht 3,554 vota.
Partia Demokratike e Kosovës ka siguruar 6.18 për qind, apo 258 vota.
Ndërkaq, Lidhja Demokratike e Kosovës ka marrë 5.70 për qind, përkatësisht 238 vota.
Aleanca për Ardhmërinë e Kosovës deri tani ka marrë 1.56 për qind të votave, apo 65 vota.
